ओखलढुङ्गा खिजी देम्बा हिनेको जिप मन्थली मा पल्टियो ३ जनाको ज्यान गयो

काठमाडौंबाट ओखलढुङ्गाको खिजिदेम्बा गाउँपालिका आउँदै गरेको डबल क्यापको बोलेरो विहीबार रामेछापमा दुर्घटना हुँदा एकै परिवारका दुईसहित तीन जनाको मृत्यु भएको छ । प्रदेश ३–०१–०२३ च ३५१३ डबल क्याप बोलेरो रामेछापको मन्थली नगरपालिका वडा नं ६ कुनौरीको बोक्से भिरबाट ७०० मिटर तल तामाकोसी किनारमा खस्दा ओखलढुङ्गाको खिजिदेम्बा गाउँपालिका वडा नं. ६ खिजिफलाटेका ३५ वर्षका लाक्पा शेर्पा, उनकी श्रीमती अन्दाजी ३२ वर्षकी फुर्वा शेर्पा र ३६ वर्षका वाङछु शेर्पाको घटना स्थलमै मृत्यु भएको जिल्ला प्रहरी कार्यालय रामेछापका प्रहरी निरीक्षक श्रीशङ्कर श्रेष्ठले बताउनुभयो । दुर्घटनामा परी गम्भीर घाइते भएका मृतक दम्पतीका छोरा पेम्बा शेर्पाको रामेछाप सदरमुकाम मन्थलीमा रहेको तामाकोसी अस्पतालमा उपचार सम्भव नभएपछि थप उपचारका लागि काठमाडौं पठाइएको प्रहरीले जनाएको छ । प्रहरीका अनुसार दुर्घटनामा परी मृत्यु भएका लाक्पा शेर्पा पोर्चुगलबाट घर फर्किदै थिए भने वाङछु शेर्पा बोलेरो धनी हुन् ।