झापामा १४ हजार नाघे कोरोना संक्रमित

बिर्तामोड– झापामा कोरोना संक्रमितको संख्या १४ हजार नाघेको छ । जिल्ला स्वास्थ्य कार्यालय झापाले आइतबार साँझ संक्रमितको तथ्यांक सार्वजनिक गरेको हो ।

स्वास्थ्य कार्यालयका काेराेना फोकल पर्सन जीवन चौलागाईले पहिलो र दोस्रो लहरमा गरी संक्रमितको संख्या १४ हजार २ सय २० पुगेको जानकारी दिनुभयो । सरकारले आइतबारसम्म झापामा ५९ हजार ५ सय २० जनाको कोरोना परीक्षण गरेको छ ।

स्वास्थ्य कार्यालयका अनुसार आइतबार १३२जना संक्रमित थपिएका छन् । सबैभन्दा धेरै संक्रमित दमक र बिर्तामोडमा फेला परेका हुन् । झापामा सक्रिय संक्रमितको संख्या १४ सय २६ छ । यतिन्जेल सम्ममा ३५९ जनाको मृत्यु भएको छ ।